;){kind=logo}
BREYTENBACH CENTRE DELIGHTS IN MARCH WITH VARIOUS ARTS
Posted by Sunè Samuels on 27 February 2019 1:40 AM CAT
During March Breytenbach Centre offers a variety of entertainment that will suit everyone’s preferences. Join them for art exhibitions, book launches, music shows, artistic workshops and wine Wednesdays.
.jpg)
2 Maart: Min Shaw stel haar boek bekend
Min Shaw, die legendariese en beminde sangeres en aktrise in onder meer Jy is my Liefling saam met Gé Korsten, stel Saterdag haar biografie in Die Bôrdienghuis by die Breytenbach-sentrum in Wellington bekend.
Die boek, Sprokie van ’n liefling – ’n plakboek van herinneringe, het pas verskyn en is propvol foto’s en aandenkings uit haar persoonlike albums en plakboeke. Haar jarelange vriend en skrywer van die biografie, Shaun Andrew Mynhardt, en die gewilde aktrise Lizz Meiring, sal haar uitvra oor die “Wilde Weste”-dae van die Afrikaanse rolprentbedryf, juffrou-wees, en haar pa wat altyd geglo het “Sussie” gaan ’n groot ster wees.
Die gesprek begin Saterdag 2 Maart om 11:00 en ligte verversings sal na die tyd beskikbaar wees. Toegang is gratis, maar bespreek vroegtydig by Carina Hanekom by chanekom@proteaboekhuis.co.za of by Jessica Ruiters by die Breytenbach-sentrum by 021 873 2786.
7 Maart: Zirk van den Berg se boekbekendstelling
Zirk van den Berg, skrywer van Ek wens ek wens, gesels op Donderdag 7 Maart in Die Bôrdienghuis oor sy jongste boek EK WENS EK WENS sowel as van sy ander boeke. Die gesprek met Amanda Swart begin 18:30 vir 19:00. Dit kos R30 per persoon en sluit ’n glas wyn en ligte verversings in. Bespreek by 084 501 0355.
Tot 7 Maart: Uitstalling en gesprek in Breytenbach-galery
11 Maart: Ontwikkelingswerkswinkels in die galery
Die tweede van tien teken- en bewegingswerkswinkels word op 11 Maart in die Breytenbach-galery aangebied onder leiding van Henk Serfontein(kunstenaar), Hannah Loewenthal (kunstenaar, danser en choreograaf) en Willie Erasmus (kliniese sielkundige) . Elke sessie duur twee ure elk en vind elke tweede Maandag van die maand vanaf 15:00 tot 17:00 plaas. Dit word aangebied vir ’n groep jong kinders in samewerking met Anne-Ghrett Erasmus, die kurator van die Breytenbach-galery. In die werkswinkel word daar ‘n ondersteunende ruimte vir die deelnemers geskep waarin die ekspressiewe en helende moontlikhede van kuns(tekenkuns) en dans(intuitiewe beweging) as proses ontgin word.
27 Maart: Proe Wellington-wyn by Breytenbach-sentrum
30 Maart: Mike & The Hormonix: A Tribute to the Beatles
Die gewilde Mike McNully and The Harmonix is weer terug op Die Bôrdienghuis se buiteverhoog na hulle suksesvolle Tribute to Abba wat oral vol uiters gewild was – ook vroeër vanjaar by die Breytenbach-sentrum. Dié keer is dit op Saterdag 30 Maart met Mike and the Harmonix ‘s Tribute to The Beatles.
As with the Abba tribute, The Beatles are brought to life with high energy and phenominal musicianship!
Die vertoning begin om 20:00 en pizza’s en drinkgoed kan van 18:00 gekoop word. Kaartjies kos R150 per person en kan bespreek word by teater@breytenbachsentrum.co.za of 021 873 2786.
Tuin van Digters 2019
Die agtste jaarlikse Tuin van Digters, die tuiste van die Afrikaanse digkuns, vind vanjaar op 13 en 14 September plaas. Nie net sal Breyten Breytenbach en Ampie Coetzee, wat in 2019 hulle 80ste verjaarsdae vier, op gepaste wye gehuldig word nie, maar die Ingrid Jonker-prys vir ’n Afrikaanse debuut digbundel sal ook weer aan die wenner oorhandig word. Afrikaans en sy interaksie met digwoorde met ander tale sal in die kollig kom en breine sal oudergewoonte op velerlei skeppende en verrassende wyses oopgedink en oopgeskop word. Kry jouself gereed vir nuut dink en anders skep en oopkop deelname. Teken solank die datum aan.
